為下月開張既食店趕工

前排要同一時間攪結婚同趕幾單室內設計job，忙到玩具都唔得閒玩，上月中終於忙完結婚，執好左床下底的四大箱玩具，最近又開始砌場景，今次比以往較多DIY配件，尤其食物一半也是手作，最近愛上用黏土做miniature食物。


放工要幫公仔屋趕裝修造地板，希望聖誕前完工~

因為買唔夠材料，砌到一半才發覺欠十二條雪條棒！

本來打算上色，但原來原木色已夠靚，可以省點工夫。

終於的起心肝係床下底搵番套絕版Licca枱櫈出黎，購於九十年代，兩套既內容其實一樣，只係個包裝盒唔同，右面係1986年初版，左面係1987年復刻版，當時約一百元一盒，其實是超貴，不過那個年代買一件玩具會非常非常珍惜，所以到現在也保存得相當好。

一盒只有一枱兩椅，為了集齊四椅，我特地買了兩盒，size跟Re-ment食玩非常配合。八十年代出版的玩具大部份是made in Japan，價錢雖然超貴，但品質真的很好，白色塑膠幾乎沒有變黃，只是原裝的布套無故起了幾點污漬，幸好可以自行換上了其他布套。

很久之前係玩具店買的一set迷你電器，按個制會發聲或有燈，自行加了個枱面，變身做廚櫃。

幫個廚櫃加多左個雲石枱面，真人屋企都無咁豪裝。

在家品店找到的迷你聖誕燈飾及七彩變色聖誕樹，可以為雪糕店增添聖誕氣氛。

 

利用指甲油、珠仔、閃石把耳環加工做迷你聖誕樹。