2012年1月2日 星期一

微型食玩2011聖誕除夕後篇

2011聖誕節除夕party係屋企舉行,準備了大量既食物,除了主菜,零食一定唔少得。


零食主要用了Megahouse「熊人零食」、Re-ment「馱果子屋」,紙碟膠叉膠刀係來自Re-ment「USA夢之美國生活」。


Re-ment隻火雞D色好黃好假,我用左Orcara「快樂的節日」個隻,顏色燒得靚好多,不過隻碟唔靚,我用左Re-ment「母親廚房」個隻壽司碟代替。


張枱係絕版既Barbie 原裝傢俬,顏色夠sharp,用來set聖誕場景一流。個櫃桶可拉出,用來放零食效果出奇地配合。


張茶几又係十蚊店買,而家要12蚊啦,原本係放飾物既小盒子,我反轉來放當茶几。


聖誕蛋糕、聖誕襪、聖誕禮盒朱古力係Re-ment「下午三時零食」既經典,好彩當時正價買左full set, 而家炒到好貴。聖誕卡係精品店買既貼紙黎既。


呢個又係絕版既Barbie 原裝傢俬,隻趟門貼左貼紙即刻好聖誕。呢棵聖誕樹同聖誕迷你飾物儲左十幾年,以前聖誕用來裝飾我間Jenny屋。


支Perrier係Megahouse「進口食品」,造得好鬼似。氣水就係7-11幾年前同Coka Cola合作出個set食玩,我買左幾盒,有少少後悔無買full set同個汽水櫃,而家抄到好買。


盒牛頭牌芝士係Megahouse「進口食品」,呢set既食品好多都好靚,而且炒得唔貴,好值得買。盒裝朱古力又係Re-ment「下午三時零食」,朱古力一粒粒有金色同銀色做得好精細。


呢兩個盒係外國既miniature,用金屬打造,蓋子可以打開。益力多係Re-ment「便利店」,雞蛋布甸係Megahouse「微波爐食品」,呢set比較冷門,我只散買了這款。


右面個手袋係Re-ment「 I love夏威夷」,左面個手袋係Re-ment「化妝品」,小禮物同西餅又係外國既miniature,係Re-ment未出食玩之前,我係收集miniature。


Jenny 2011聖誕除夕前篇
http://sitarabbit.blogspot.hk/2012/01/2011.html

 


 

13 則留言:

  1. 好精彩o既party!!!!
    原來你以前已儲miniature, 以前香港地無嘜地方有得買, 好似仲幾貴.
    我好鍾意個鐵盒, 佢除咗可以打開, 仲係鐵做, 唔係膠. 勁正!
    我好期待, 你的新post, 因為你有好多珍藏, 依家一定買唔到, 再加上你影d相好靚!
    你果間jenny屋仔仲係到嗎?
    睇完呢編post, 我又學到嘢 "係喎! 可以用雜物盒, 反轉變為枱仔" 好創意!
    我都好鍾意行十蚊店 (依家變咗12蚊lu) ...多謝分享!
    [版主回覆01/04/2012 16:28:19]因為我份工時間長好忙,其實去年中秋節主題同萬聖節主題我都係正日先抽到時間影,執唔切相出post,聖誕主題仲要遲左幾日先影,我今個月新年前兩星期無假放,所以我今次決定早少少影定。
    [創意小屋回覆01/04/2012 16:07:51]咁正! 咁快有新年場景....你依家睇返你自己以前D作品, 可能覺得有少少唔太滿意, 不過我諗我地呢班食玩迷會覺得好正架. 無嘜RE-MENT唔緊要, 因為你有好多我地無同絶辦o既miniature睇....期待!!!!! 我一定支持!
    [版主回覆01/04/2012 11:57:55]我聽日放假又會set下新年場景,希望好快有新相睇,我而家一個月先影一次新相,不過好多舊相都未post番出黎,短期內都應該會更新得密D。其實而家睇番之前D舊相我覺得影得麻麻,D場景無而家咁多野睇,好少Re-ment既野,但放多D miniature。
    [創意小屋回覆01/04/2012 10:25:45]你真係超級迷你迷!
    多謝! 你有時間先搵啦, 你大可放心, 我識到你, 知你個blog我會常常來, 睇吓有嘜新post....!
    [版主回覆01/03/2012 14:25:22]我既miniature多數係去外國旅行時買,好耐好耐以前日本有出Doll house雜誌,我期期都有買,裏面有好多miniature舖頭資料,咁我去日本旅行就會特登去搵。台灣袖珍博物館我都去過兩次,有好多特色miniature賣。

    個鐵罐我買左好多款,其實仲有幾款,不過我搬左四五次屋之後唔知收左去邊。搵到影俾你睇。

    回覆刪除
  2. barbie D 枱櫈原來咁靚....你好犀利連barbie 都儲,我冇為意,買咁多實比我老公鵝死!羡慕!
    [版主回覆01/03/2012 14:32:57]其實之前有段時間都變左什物櫃,我都係最近先執番好,我諗住而家個聖誕場景遲D換上農曆新年場景。
    [大眼回覆01/03/2012 14:13:51]我本身都有兩個大飾櫃show D 砌咗食玩出來,可惜成功令我滿意留低的情景唔多,果櫃變咗雜物櫃,我要趁過年執好佢先有多餘空間擺食玩。
    [版主回覆01/03/2012 14:01:46]我都覺,不過而家我用左新方法執,我會先用一個膠盒將set場景既公仔、傢俬、食玩連小盒收集左,然後先將佢地set係枱面影相再放回落膠箱,咁食飯時就有枱用,咁先慢慢將佢地包裝包好放回玩具櫃。我好多年前訂做左一個飾櫃可以放兩間公仔場景,有時影完就順便換左個舊場景。
    [大眼回覆01/03/2012 13:45:29]覺唔覺執起上來超煩,D嘢散亂亂咁
    [版主回覆01/03/2012 13:33:51]其實我唔儲barbie, 我只買Barbie d 傢俬同衫俾Jenny用,不過而家Barbie D產品質素越來越差,好耐無買,其實而家只俾自己買食玩,因為真係無地方啦~.~

    回覆刪除
  3. 好靚呀!!!thank you for your sharing!
    [版主回覆01/03/2012 14:56:15]多謝呀,我會俾心機影多D食玩俾大家睇^3^

    回覆刪除
  4. 你把在精品店買的貼紙裝飾為迷你聖誕卡,好有心思!!
    [版主回覆01/03/2012 14:54:34]行過ans見到D聖誕貼紙,突然諗到可以當Doll house牆上飾物同聖誕卡,不過要二十幾蚊一張呀

    回覆刪除
  5. 我來了..hehehe...
    今年我都集中火力放係食玩先...^_^
    [版主回覆01/05/2012 17:45:12]一齊加油,你得閒都睇下我Blog友D Blog, 佢地D Blog好精彩同好熱鬧、Re-ment, Megahouse, Mimo, T for Candy, Orcara食玩資料樣樣有,D相仲影得好靚

    回覆刪除
  6. 我都中意儲barbie d野架 尤其係粉紅色個d
    [版主回覆01/05/2012 18:00:54]早幾年BarbieD傢俬同衫好靚呀,我都有買俾Jenny用而家出個D真係無咁靚~

    回覆刪除
  7. D場景砌得好靚,你好有心機詳細講解呢,比一百個 like你呢,哈哈
    [版主回覆01/06/2012 22:44:20]係呀,方便大家搵番邊set食玩同,同搵D平靚正既野砌場景。我自己都好鐘意睇人地D Blog寫既野

    回覆刪除
  8. 物品設計得很美....
    [版主回覆01/06/2012 22:39:57]多謝呀~ 我會努力影D靚相~

    回覆刪除
  9. Good寫得好有心基,全品名都有中文真好呀
    [版主回覆01/06/2012 13:22:46]放便大家搵番係邊set食玩呀嘛~ ^^

    回覆刪除
  10. 你好~ 日後大家多點交流^^ , 場景很寫實啊, 正
    [版主回覆01/09/2012 15:02:00]多謝,我會努力更新,過幾日會有新相睇,多D過來坐下^^

    回覆刪除
  11. 好喜歡你d小盒,好靚。
    [版主回覆01/10/2012 16:34:27]呢D盒係金屬造,可以打開放東西,係外國既miniature黎架~

    回覆刪除
  12. 好有心機,好開心又認識到多一位高手,Jenny娃娃是我細個好希望擁有,因為我覺得佢樣子十分甜美。雖然現在不再有擁有的衝動,但見到時仍會駐足欣賞。
    [版主回覆01/13/2012 00:34:25]我其實好多年無買Jenny, 而家都係影番以前買既Jenny, 會定期幫佢地換下造型,set不同主題場景,加入Re-ment、megahouse等食玩影相, 希望你會鐘意啦

    回覆刪除
  13. 你又係好叻~^^
    而且介紹非常詳細~
    又係一位REMENT達人~^^勁~~~~~~~~~~~~~~~
    [版主回覆01/17/2012 13:54:39]我開頭以爲你同果子係同一人,你係未果子個妹妹呀?
    我05年迷上Re-ment之後一發不可收拾,我都係最近先知原來有咁多Re-ment迷整blog,今日我都post左re-ment新相,希望大家交流下^^

    回覆刪除