搬入元朗不經不覺兩年多,一直未有欣賞過大棠出名的紅葉風景,最近在facebook不停被朋友以紅葉照片洗版,令我也心思思也想去親身去目睹一下紅葉的風采。一連幾個星期的休息日不是下雨天,就是我跟熊人先生病倒了,眼看欣賞紅葉的最佳時期快要過去了,即使感冒未痊癒也決定在1月3日星期五出發去大棠,其實離家很近,乘小巴只是十多分鐘車程。由於是星期五,人流並不算多,完全不用排隊就上了小巴,不像公眾假期、星期六日要排隊一兩小時才上到小巴或巴士,真的很幸運。下車後還要走接近一小時的路才能見到山上的紅葉,當做運動也不錯。
美景當然要美女陪襯,帶了Jenny和Marine,讓我先介紹最先出場的「復刻版初代Jenny」,換上了香港自家品牌Cctoys的連身裙,跟紅葉非常合襯。
另一位就是Licca Castle系列的Marine,衣服是淘寶訂做的,手工也很不錯。
香港看到的紅葉原來是變了橙紅的楓葉。
陽光下的紅葉別具風味,好像飛翔中的群鳥。
站在樹下抬頭望滿天楓葉,真的非常漂亮。
站在樹下影相的人羣。
這裏是紅葉最多的地方,人也特別多,聽聞如果是紅日、星期六日人流還要多出好幾陪,要影風景相也不容易。
欣賞紅葉的佳期已到尾聲,未去的人要快些去了。
好靚呀,無論景和Jenny,望以後點見你品
回覆刪除謝謝你KRIN, 搬blog後我第一次更新,你是第一個留言啊!
回覆刪除原來香港都有紅葉睇,影得好靚,尤其鍾意陽光透過紅葉嗰幾張
回覆刪除謝謝你藍水晶,我之前都唔知,搬左去元朗之後,先知原來每年年尾大棠就有紅葉,有機會都去睇下
回覆刪除真係好靚, 好鍾意有公仔D相, 好夾好自然...起LIKE
回覆刪除小屋原來你都寫番blog,真係好啦,以後又有靚相睇
刪除好靚呀! 我好鍾意第一副相, 靚景+靚公仔! 正~
回覆刪除多謝你,歡迎光臨,好開心又認識一位喜歡玩具的朋友
刪除估唔到淘寶連公仔衫都有得訂造!
回覆刪除係呀,而且手工比Jenny原裝衫還靚和平
刪除好靚呀!美景加美女,靚絕!!天氣冷,你和你的honey要保重身體呀!
回覆刪除叮噹貓,好高興係新blog又可以見到你呀
刪除原來大家都是元朗人.....件公仔衫好靚!
回覆刪除原來你都係,有機會可以約出黎聚下
刪除我都去左潮聖呀,真係好多人><
回覆刪除我的朋友假日去真係迫到爆,等車要等個幾鐘頭
回覆刪除D 相影得好靚啵~
回覆刪除吹吹風,恭喜發財、身體健康、心想事成,好多y blog友好掛住你呀,幾時會寫番blog呀?
刪除超華麗的JENNY~~~我最近開始蒐集LICCA~~~(雖然不是JENNY)但希望大家也可以交流一下XDDD 另外,我也是元朗之友,哈哈哈
回覆刪除好開心又識認喜歡Jenny, Licca的朋友,Licca也很不錯,我也買了好幾個
刪除很有意境,人很多,影來不易啊﹗
回覆刪除原來看漏了留言,謝謝小莊子到訪,搬了地方真的很久沒更新blog
回覆刪除